"చార్లీ చాప్లిన్‌" కాలే కడుపు!

నేటి చిట్టి కధ - "చార్లీ చాప్లిన్‌" కాలే కడుపు!
-----------------------------------------

ఒక మహానుభావుడు తన పసితనంలో ఆకలిని మరిచిపోడానికి - 

పార్కులో కడుపునిండా మంచినీళ్లు తాగి, 

మరిపించడానికి గట్టిగా పాటలు పాడి, గెంతులు గెంతి.... 

ఆ గెంతుల్ని కళగా మలిచాడు - ఉపాధికోసం బారుల్లో పాటపాడుతూ!

కేవలం కాలే కడుపు కారణంగా గొంతుపోయిన తన తల్లిని,

తాగుబోతులు అల్లరి చేస్తూంటే ఆమెని కాపాడడానికి పసితనంలోనే...

స్టేజిమీదకు దూకి, ఆమె పాడిన పాటలు పాడి సభికుల్ని మెప్పించాడు. 

తను కళాకారుడు కావడం - కళకోసం కాదు, పట్టెడన్నం కోసమని చెప్పాడు!

కష్టానికి కన్నీటికి కొత్త కోణాన్ని, కొత్త రుచినీ చూపిన ఆ మహానటుడు - 

"చార్లీ చాప్లిన్‌"

జీవితం ఎవరికీ వొడ్డించిన విస్తరి కాదు.

మన సామర్థ్యం, వాతావరణం, సమాజం, కుటుంబం, పరిస్థితులూ -

యివన్నీ సమష్టిగా జీవితాన్ని ఒక ఛాలెంజ్‌గానో, ఒక పరీక్షగానో నిలపవచ్చు. 

చికిత్స కు రెండే రెండు సాధనాలు - 

తట్టుకునే సంకల్పబలం, చిత్తశుద్ధి. 

విజయానికి ఏనాడూ దగ్గర తోవలేదు. 

వ్యక్తిగతమైన కష్టానికి నిస్పృహ కాలకూటవిషం. 

నిర్వీర్యత అపజయానికి తొలిమెట్టు....